دبئی: پاکستان نے پہلا ڈے نائٹ انٹرنیشنل میچ جیت لیا

نیوز ڈیسک — Sat, 12 Nov 2011 03:27:47 +0000

پانچ میچوں کی ڈے نائٹ انٹرنیشنل کرکٹ سیریز کے پہلے میچ میں دبئی سٹیڈیم میں پاکستان نے سری لنکا کو آٹھ وکٹوں سے ہرا کر ایک صفر کی برتری حاصل کر لی ہے۔

عمران فرحت اور یونس خان کی نصف سنچریوں کے ساتھ پاکستانی ٹیم نے مطلوبہ ہدف 21 اعشاریہ 5 اوورز میں حاصل کر لیا۔

قبل ازیں سری لنکن ٹیم باؤلرز کے لئے سازگار ٹریک پر صرف 131 رنز پر ڈھیر ہو گئی۔ شاہد آفریدی نے 27 رنز پر 3 وکٹیں جبکہ سعید اجمل نے 21 رنز پر 2 وکٹیں حاصل کیں۔

سری لنکن کھلاڑی چندی مال اپنی ٹیم کے لئے سب سے زیادہ 28 سکور حاصل کرسکے۔

میچ کے آغاز پر سری لنکن کپتان دلشان نے ٹاس جیت کر پہلے بیٹنگ کا فیصلہ کیا تھا۔

شارجہ ٹیسٹ ڈرا، پاکستان نے سیریز جیت لی

نیوز ڈیسک — Mon, 07 Nov 2011 15:13:38 +0000

شارجہ سٹیڈیم میں پاکستان اور سری لنکا کے مابین کرکٹ ٹیسٹ میچ ڈرا ہونے کے بعد پاکستان نے سیریز ایک صفر سے جیت لی ہے۔ سیریز تین ٹیسٹ میچوں پر مشتمل تھی۔

دونوں ٹیموں کے مابین کھیلا جانے والا تیسرا ٹیسٹ میچ بارش کے باعث کسی نتیجے کے بغیر ہی ختم ہوگیا۔

میچ کے آخری دن سری لنکا نے پاکستان کو جیتنے کیلئے دو سو پچپن رنز کا ہدف دیا تھا۔ تاہم پاکستانی ٹیم دوسری اننگز میں چار وکٹوں کے نقصان پر ستاسی رنز بنا سکی تھی۔

قبل ازیں سری لنکا نے دوسری اننگز میں چھ وکٹوں کے نقصان پر ایک سو اکیاسی رنز بنا کر اننگز ڈیکلیئر کی تھی۔

سری لنکا کی جانب سے پرنویتانا نے چھہتر اور سنگا کارا نے اکاون رنز بنائے۔

پاکستان کی جانب سے سعید اجمل نے تین، عمر گل نے دو اور محمد حفیظ نے ایک وکٹ حاصل کی۔

پاکستان اور سری لنکا کے درمیان پہلا ٹیسٹ میچ بغیر کسی نتیجے کے ختم ہو گیا تھا جبکہ دوسرے ٹیسٹ میچ میں پاکستان نو وکٹوں سے جیت گیا تھا۔

مشن آن لائن » کھیل

دبئی: پاکستان نے پہلا ڈے نائٹ انٹرنیشنل میچ جیت لیا

شارجہ ٹیسٹ ڈرا، پاکستان نے سیریز جیت لی