وقت کے تقاضوں کو مدِنظر رکھتے ہوئے صوبہ پنجاب کے وزیرِاعلیٰ اور پاکستان مسلم لیگ ن کے رہنما میاں محمد شہباز شریف نے بھی فیس بک پر اپنا Fan Page لانچ کر دیا ہے۔ اس صفحہ کی تقریبِ رونمائی بھی منعقد ہوئی جس کی تصاویر بعد ازاں اسی صفحہ پر اپ لوڈ کی گئیں۔

یاد رہے کہ شہباز شریف پہلے ہی مقبولِ عام مائیکرو بلاگنگ ویب سائٹ ’’ٹوئٹر‘‘ اور موبائل رابطوں کی ویب سائٹ ’’پرنگ‘‘ استعمال کرتے ہیں۔

اس سے یہ واضح ہوتا ہے کہ مسلم لیگ ن کی قیادت آئندہ چند ماہ میں انٹرنیٹ پر اپنے حمایتی صارفین کے ہجوم کو اپنے سیاسی مقاصد کیلئے متحرک دیکھنا چاہتی ہے۔ ذرائع کے مطابق اس مقصد کیلئے سوشل میڈیا کی مہارت کے حامل افراد کی خدمات حاصل کی جا رہی ہیں جو پارٹی کیلئے سوشل میڈیا کو مثبت طور پر استعمال کر سکیں۔

سوشل میڈیا پر شہباز شریف کی موجودگی مندرجہ ذیل روابط پر ملاحظہ کی جا سکتی ہے۔

فیس بک: http://www.facebook.com/Sharif.Shehbaz

ٹوئٹر: https://twitter.com/CMShehbaz

پرنگ: http://www.pringit.com/ShehbazSharif/